اتولدت في شارع
بتاع ابوي وجدي
اتولدت في شارع
بتاع ابو اهلي
اتولدت في شارع
ممهد عشان في قروش
والفقير تراب طين ووحوش
لكن الشوارع فيها انحنائات و مطبات
على الجوانب بتجي وديان و هضاب
ماتو في الطريق ميئات
وعاشو فيه ميئات
حسو بسعاده حزن
فقر و غنى
بعضهم غش و خدع
اتمتع بالجمال و خفى الشنى
جاي من وين الشارع
ما و اضحه المعالم
حينتهي وين .؟ الله الدايم
و انا في الشارع لازم امشي
جاتني منحنيات
اثرت في طريقه سيري
ودورات قلبت اتجاه تفكيري
دخلو علي شوارع و اولاد شوارع
لابسين بدل و كرفتات
وبنات محجبات
واخريات و عريانات
اولاد حلال
و اولاد حرام
ناس اولاد ناس
و ناس اولاد ... "كلاب"
ناس علي افهمهم
و ناس عليهم يفهموني
ناس اتمنيت رضاهم
وناس في رجليني بيبسوني
ناس حياتهم حياتي
و ناس حياتهم مماتي
الكل جاي من شارع
داخلين في شارع
باثرو في قدري
وااثر في قدرهم
و قبل ما اتعب
و اموت في الشارع
بنظر للخلف و اسال
ياترى كم ود شارع ساعدت
كم ود شارع قتلت
حموت انا في الشارع
ولكن هل حيضعو لي علامه
شاهد وستاره
يتزكرني بها القادمون
او يرموني في حفره
من الصلاه يتهربون
اتولدنا في شارع
ونموت في شارع
ليست هناك تعليقات:
إرسال تعليق